Enter your Email Address to subscribe to our newsletters
Kerala, 07 മെയ് (H.S.)
സര്ക്കാര് രൂപീകരിക്കാന് ടിവികെ നേതാവ് വിജയ്ക്ക അനുമതി നല്കാത്ത ഗവര്ണറുടെ നിലപാടിനെ വിമര്ശിച്ച് നടന് കമല്ഹാസന്. . തിരഞ്ഞെടുക്കപ്പെട്ട 233 അംഗങ്ങള്ക്കും ഇതുവരെ സത്യപ്രതിജ്ഞ ചെയ്യാന് കഴിഞ്ഞിട്ടില്ല എന്നത് സംസ്ഥാനത്തിനു തന്നെ നാണക്കേട് ആണെന്നും ഇതു ജനാധിപത്യത്തിനു ദോഷം വരുത്തുമെന്നും കമല് വ്യക്തമാക്കുന്നു.
''തമിഴ്നാട് നിയമസഭാ തിരഞ്ഞെടുപ്പില് ഒരു പാര്ട്ടിക്കും ഒറ്റയ്ക്ക് ഭരിക്കാനുള്ള അധികാരം ജനങ്ങള് നല്കിയിട്ടില്ല. തമിഴ്നാട് ചരിത്രത്തില് ഇത് ആദ്യമായാണ് സംഭവിക്കുന്നത്.
എന്റെ സഹോദരന് സ്റ്റാലിന്, 'ജനങ്ങളുടെ വിധി ഞങ്ങള് മാനിക്കുന്നു; ഒരു ഉത്തരവാദിത്തമുള്ള പ്രതിപക്ഷമായി പ്രവര്ത്തിക്കും' എന്ന് പ്രഖ്യാപിച്ചിട്ടുണ്ട്. അദ്ദേഹത്തിന്റെ രാഷ്ട്രീയ പക്വതയെ ഞാന് ബഹുമാനിക്കുന്നു.
ഇനി ഭരണഘടനയുടെ ചുമതലയുള്ളവര് ഇതേ കടമ നിറവേറ്റണം. ഇത് ഒരു അഭ്യര്ഥനയല്ല, അവരുടെ ഭരണഘടനാപരമായ കടമയെക്കുറിച്ചുള്ള ഓര്മപ്പെടുത്തല് മാത്രമാണ്.
ശ്രീ.വിജയ് നയിക്കുന്ന തമിഴ്നാട് വെട്രി കഴകം 108 സീറ്റുകള് നേടിയിട്ടുണ്ട്. അദ്ദേഹത്തെ ഭരിക്കാന് ക്ഷണിക്കാതിരിക്കുന്നത് തമിഴ് ജനങ്ങളുടെ വിധിയെ അപമാനിക്കുന്നതിന് തുല്യമാണ്.
തിരഞ്ഞെടുക്കപ്പെട്ട 233 അംഗങ്ങള്ക്കും ഇതുവരെ സത്യപ്രതിജ്ഞ ചെയ്യാന് കഴിഞ്ഞിട്ടില്ല. ഇത് സംസ്ഥാനത്തിന് നേരിട്ടുള്ള നാണക്കേടാണ്; ജനാധിപത്യത്തിന് ദോഷം വരുത്തുന്നതാണ്.
'നിയമസഭയില് ഭൂരിപക്ഷം തെളിയിക്കണം, രാജ്ഭവനില് അല്ല' എന്ന് എസ്.ആര്. പറയുന്നു. സുപ്രീം കോടതി കേസ് വളരെ വ്യക്തമായി പറഞ്ഞിട്ടുണ്ട്. ഞാന് പാര്ട്ടി രാഷ്ട്രീയത്തെക്കുറിച്ചല്ല സംസാരിക്കുന്നത്. ഇതൊരു ഇന്ത്യന് പൗരന്റെ നയത്തിന്റെ ശബ്ദമാണ്. തമിഴ്നാട് ജനങ്ങളുടെ വിധിയെ മാനിക്കണം.''
---------------
Hindusthan Samachar / Sreejith S
