Kochi , 22 ജൂണ് (H.S.)

സംസ്ഥാനത്തെ ഏറ്റവും വലിയ ബിസിനസ് സംഗമങ്ങളിലൊന്നായ ധനം ബിസിനസ്സ് സമ്മിറ്റ് & അവാര്ഡ് നൈറ്റ് ജൂണ് 25 ന് കൊച്ചിയില് നടക്കും.

വൈകുന്നേരം 3 മണി മുതല് രാത്രി 9 മണി വരെ കൊച്ചിയിലെ ലെ മെറിഡിയന് ഹോട്ടലിലാണ് സമ്മേളനം സംഘടിപ്പിക്കുന്നത്. ധനം ബിസിനസ് മീഡിയ സംഘടിപ്പിക്കുന്ന ബിസിനസ് സമ്മിറ്റിന്റെ 18-ാമത് പതിപ്പാണ് നടക്കാന് പോകുന്നത്.

കേരളത്തിലെ സംരംഭകര്ക്കും ബിസിനസ് പ്രൊഫഷണലുകള്ക്കും ഒരുപോലെ പ്രതീക്ഷയേകുന്ന വേദികളിലൊന്നാണിത്. സംസ്ഥാനത്തിന് അകത്തും പുറത്തുമുള്ള പ്രമുഖ ബിസിനസ് വ്യക്തിത്വങ്ങള്, വ്യവസായികള്, പ്രവാസി സംരംഭകര്, സ്റ്റാര്ട്ടപ്പ് സ്ഥാപകര്, പോളിസി മേക്കര്മാര്, ഇന്വെസ്റ്റര്മാര് തുടങ്ങി ആയിരത്തോളം പ്രതിനിധികളാണ് ബിസിനസ് സമ്മിറ്റിന്റെ ഭാഗമാകുക. മുഖ്യമന്ത്രി വിഡി സതീശനാണ് സമ്മിറ്റിലെ മുഖ്യാതിഥി.

വ്യവസായ ലോകത്തെ പ്രമുഖ വ്യക്തിത്വങ്ങളില് നിന്ന് ബിസിനസ് വളര്ച്ചയ്ക്കുള്ള പ്രായോഗിക തന്ത്രങ്ങളും വിപണിയിലെ മാറ്റങ്ങളും നേരിട്ടറിയാനുള്ള സുവര്ണാവസരമാണ് ധനം ബിസിനസ്സ് സമ്മിറ്റ് & അവാര്ഡ് നൈറ്റ് ഒരുക്കുന്നത്. ഭാവിയിലെ ബിസിനസ് സാധ്യതകളെയും ആഗോള സാമ്പത്തിക മാറ്റങ്ങളെയും കുറിച്ചുള്ള കൃത്യമായ ഉള്ക്കാഴ്ച സമ്മാനിക്കാന് ഈ സമ്മിറ്റിന് സാധിക്കും എന്നാണ് അണിയറപ്രവര്ത്തകരുടെ പ്രതീക്ഷ.

ബിസിനസ് വളര്ച്ചയ്ക്കായി എഐ സാങ്കേതികവിദ്യ എങ്ങനെ പ്രയോജനപ്പെടുത്താം എന്നതിനെക്കുറിച്ച് ഈ രംഗത്തെ പ്രമുഖ വിദഗ്ദ്ധന് ഡോ. അങ്കുര് നാരംഗ് നയിക്കുന്ന പ്രത്യേക സെഷന് സമ്മിറ്റില് ഉള്പ്പെടുത്തിയിട്ടുണ്ട്. ഒപ്പം വ്യവസായ രംഗത്ത് മികച്ച സംഭാവനകള് നല്കിയ പ്രതിഭകളെ ആദരിക്കുന്ന'ധനം ബിസിനസ്സ് അവാര്ഡ്' ദാന ചടങ്ങും ഇതോടൊപ്പം നടക്കും.

ഭാവിയിലെ ബിസിനസ് വെല്ലുവിളികളെ നേരിടാനും വളര്ച്ചാ തന്ത്രങ്ങള് രൂപീകരിക്കാനും ആഗ്രഹിക്കുന്ന സംരംഭകര്ക്ക് വലിയൊരു പ്ലാറ്റ്ഫോമാണ് ബിസിനസ്സ് സമ്മിറ്റ് & അവാര്ഡ് നൈറ്റിലൂടെ ധനം ബിസിനസ് മീഡിയ സമ്മാനിക്കുന്നത്. കൂടുതല് വിവരങ്ങള്ക്കും രജിസ്ട്രേഷനുമായി dhanambusinesssummit.com എന്ന ഔദ്യോഗിക വെബ്സൈറ്റ് സന്ദര്ശിക്കുക.

---------------

Hindusthan Samachar / CHANDHU CHANDRASEKHAR