Enter your Email Address to subscribe to our newsletters

Thiruvananthapuram , 19 നവംബര് (H.S.)
ബി ജെ പിയിൽ നിന്ന് പത്മജ വേണുഗോപാൽ രാജിവച്ചു. പാർട്ടിയിൽ ചേർന്നത് തെറ്റായ തീരുമാനമെന്ന് തുറന്നു പറച്ചിൽ. കോൺഗ്രസിലേക്ക് മടങ്ങിയേക്കും.. കേരള രാഷ്ട്രീയത്തിൽ പുതിയ ചർച്ചകൾക്ക് വഴിയൊരുക്കി മുൻ മുഖ്യമന്ത്രി കെ കരുണാകരന്റെ മകളും കോൺഗ്രസ് മുൻ നേതാവുമായ പത്മജ വേണുഗോപാൽ ബി ജെ പിയിൽ നിന്ന് രാജിവച്ചു. ബി ജെ പിയിൽ ചേർന്നത് തന്റെ രാഷ്ട്രീയ ജീവിതത്തിലെ തെറ്റായ തീരുമാനമായിരുന്നുവെന്നും ആ തെറ്റ് ഇപ്പോൾ തിരുത്തുകയാണെന്നും പത്മജ വ്യക്തമാക്കി.
ബി ജെ പിയുടെ ആശയങ്ങളും രാഷ്ട്രീയ നിലപാടുകളും വേണ്ടവിധം മനസ്സിലാക്കാതെയാണ് പാർട്ടിയിൽ ചേർന്നതെന്നും അവർ തുറന്നുപറഞ്ഞു.
ബി ജെ പിയിൽ ചേരാനുള്ള തീരുമാനം തിടുക്കത്തിൽ എടുത്തതായിരുന്നുവെന്നാണ് പത്മജയുടെ വിശദീകരണം. പാർട്ടിയുടെ ആശയങ്ങൾ ആഴത്തിൽ പഠിക്കാതെയും രാഷ്ട്രീയ നിലപാടുകൾ വിലയിരുത്താതെയും എടുത്ത തീരുമാനമാണ് ഇപ്പോൾ തിരുത്തുന്നതെന്ന് അവർ പറഞ്ഞു. ബി ജെ പിയിൽ തുടരാൻ താൽപര്യമില്ലെന്ന നിലപാടും പത്മജ വ്യക്തമാക്കി.
രാജി തീരുമാനത്തിന് പിന്നാലെ പത്മജ വേണുഗോപാൽ കോൺഗ്രസിലേക്ക് മടങ്ങിയെത്തുമെന്ന അഭ്യൂഹങ്ങളും ശക്തമായി. എന്നാൽ കോൺഗ്രസിൽ ഏതെങ്കിലും പദവി ലഭിക്കുമെന്ന പ്രതീക്ഷയിലല്ല ബി ജെ പി വിടുന്നതെന്ന് പത്മജ വ്യക്തമാക്കി. പദവികളോ സ്ഥാനമാനങ്ങളോ മുന്നിൽക്കണ്ടുള്ള തീരുമാനമല്ല ഇതെന്നും അവർ വിശദീകരിച്ചു.
ബി ജെ പിയിൽ നിന്ന് രാജിവയ്ക്കാനുള്ള തീരുമാനം ആദ്യം അറിയിച്ചത് ജ്യേഷ്ഠനും മുതിർന്ന കോൺഗ്രസ് നേതാവുമായ കെ മുരളീധരനെയാണെന്നും പത്മജ വെളിപ്പെടുത്തി. ഇതോടെ പത്മജയുടെ കോൺഗ്രസ് പുനഃപ്രവേശന സാധ്യതകൾക്ക് രാഷ്ട്രീയ പ്രാധാന്യം വർധിച്ചിരിക്കുകയാണ്.
---------------
Hindusthan Samachar / CHANDHU CHANDRASEKHAR